پیشاب (بول) کے بعد استبراء اور منی کے بعد استبراء کیسے کیا جاتا ہے؟
سوال
Register Now
Lorem ipsum dolor sit amet, consectetur adipiscing elit.Morbi adipiscing gravdio, sit amet suscipit risus ultrices eu.Fusce viverra neque at purus laoreet consequa.Vivamus vulputate posuere nisl quis consequat.
Answer ( 1 )
اکثر مراجعِ تقلید (آیت اللہ مکارم کے علاوہ):
استبراء ایک مستحب عمل ہے جو مرد حضرات پیشاب کے بعد انجام دیتے ہیں تاکہ اطمینان ہو جائے کہ پیشاب نالی میں باقی نہیں رہا۔ اس کا بہترین طریقہ یہ ہے کہ پیشاب بند ہونے کے بعد بائیں ہاتھ کی درمیانی انگلی سے تین مرتبہ مقامِ پاخانہ سے عضوِ تناسل کی جڑ تک کھینچا جائے، پھر انگوٹھا عضوِ تناسل کے اوپر اور اس کے ساتھ والی انگلی نیچے رکھ کر تین مرتبہ جڑ سے ختنہ گاہ تک کھینچا جائے، اور اس کے بعد تین مرتبہ عضو کے سرے کو ہلکا سا دبایا جائے۔
منی کے بعد استبراء یہ ہے کہ منی خارج ہونے کے بعد پیشاب کر لیا جائے تاکہ نالی میں باقی رہ جانے والے ذرات خارج ہو جائیں۔
آیت اللہ مکارم شیرازی:
استبراء ایک مستحب عمل ہے جو مرد حضرات پیشاب کے بعد انجام دیتے ہیں۔ اس کا طریقہ یہ ہے کہ عضوِ تناسل کی جڑ سے اوپر کی طرف چند مرتبہ ہاتھ پھیرا جائے اور اوپری حصے کو چند مرتبہ دبایا جائے تاکہ باقی ماندہ پیشاب خارج ہو جائے۔
اور منی کے بعد استبراء یہ ہے کہ منی خارج ہونے کے بعد پیشاب کیا جائے تاکہ باقی رہ جانے والے ذرات خارج ہو جائیں۔
تبصرہ ۱:
پیشاب کے بعد استبراء کا فائدہ یہ ہے کہ اگر اس کے بعد کوئی مشکوک رطوبت خارج ہو تو وہ پاک شمار ہوگی اور وضو کو بھی باطل نہیں کرے گی۔ لیکن اگر استبراء نہ کیا ہو تو ایسی صورت میں وضو دوبارہ کرنا ہوگا اور نجاست والی جگہ کو دھونا ہوگا۔
منی کے بعد استبراء کا فائدہ یہ ہے کہ اگر بعد میں کوئی مشکوک رطوبت خارج ہو اور معلوم نہ ہو کہ وہ منی ہے یا کوئی دوسری پاک رطوبت، تو غسل واجب نہیں ہوگا۔ لیکن اگر استبراء نہ کیا ہو اور احتمال ہو کہ منی کے کچھ ذرات نالی میں باقی تھے جو بعد میں کسی رطوبت کے ساتھ خارج ہوئے ہیں، تو دوبارہ غسل کرنا لازم ہوگا۔
تبصرہ ۲:
عورتوں کے لیے پیشاب کے بعد استبراء نہیں ہے۔ اگر کوئی رطوبت خارج ہو اور شک ہو کہ پاک ہے یا نہیں، تو وہ پاک شمار ہوگی اور نہ اس سے وضو باطل ہوگا اور نہ غسل۔